Korona-pandemien har byrja å sleppe taket, og vi kan endeleg ha samlingar igjen!
Vi har nettopp hatt dagsamling for de flotte lærlingane våre, der vi var på ein aldri så liten bedrifts-turné. Vi starta dagen på Fora Form i Ørsta som produserer møblar til det offentlege rom. Der fekk vi nydeleg frukost før vi fekk ei innføring i bedrifta og ei spanande omvisning i produksjonen.
Turen gjekk vidare til det gamle kommunehuset på Grodås der vi hadde ei fagleg økt med forventingar som tema og lærlingane hadde ei idémyldring rundt tema og aktivitetar til neste gong vi skal treffast.
Til slutt på turnéen vår besøkte vi GRS Riflestocks i Hornindal, som produserer stokkar til jaktrifler. Også ei spanande bedrift som vi fekk både høyre om og omvisning i.
No gler vi oss til neste gong vi skal treffast, det er berre ein liten månad til! Då er det nemleg tid for den årlege samlinga i Geiranger. Denne gongen er det for 25. gong, og dette skal vi markere!