Forrige veke hadde vi samling for dei faglege leiarane og instruktørane våre. Vi møttest på Sagafjord hotell på Sæbø for kursing og nettverksbygging.
Synnøve Storvollen som er helserådgivar for lærlingar i Vestfold og Telemark tok turen for å snakke om fleire tema, bl.a.Kva driv oss menneske til å gjere som vi gjer, korleis bygge ein god relasjon til lærlingane, den vanskelege samtalen, og samarbeid for å førebu elevane til å kome ut i arbeid.
Mange kunne kjenne seg igjen i fleire av situasjonane som blei beskrive og fleire fekk også nye gode verkemiddel til arbeidet som fagleg leiar.
Etter programmet første dagen fekk dei som ønska det ein tur i Sæbø Fjordsauna. Dei barskaste tok også ein frisk dukkert i sjøen. Temperaturen ute var 6 minus!
For Opplæringskontoret er det viktig at dei faglege leiarane og instruktørane rundt i bedrifta får moglegheita til å knyte kontakter og nettverk. Dette kan lette arbeidet som fagleg leiar og ein kan hjelpe kvarandre når det trengs.
Takk for ei særs kjekk og lærerik samling!