Vi starta dagen med to spanande bedriftsbesøk.
Først tok vi turen innom vår nyaste medlemsbedrift, Griff Aviation. Der fekk vi ei veldig fin innføring i korleis dei produserer droner. Her trengs det god innsikt i både elektro og finmekanikk!
Etter besøket på på Griff Avitation fekk vi kome til Byrg Kompetanse, som ligg rett ved sidan av. Byrg gjer eit solid stykke arbeid med å hjelpe menneske ut i arbeid, og dette vil vi gjerne vere med å framsnakke og vise fram! I tillegg til å vere god hjelp for mange som vil ut i arbeid, gjer også dei tilsette veldig viktig arbeid og er leverandør for mange av bedriftene i området. I tillegg produserer dei nokre produkt sjølv, som f.eks utemøblar og eplemost.
Siste delen av dagen tilbrakte vi på Næringsfabrikken. Då var Sparebanken Møre på besøk og hadde kurs i privatøkonomi. Der fekk vi høyre om kva som er lurt med tanke på lån, sparing og betale rekningar, i tillegg til at vi fekk prøve ein budsjettkalkulator. Det er ganske så interessant å sjå kor mykje pengar som går ut i småbeløp som vi kanskje ikkje tenker heilt over.
Ein kjekk dag saman med lærlingane! Takk til alle som som gjorde dagen så fin!
Sparebanken Møre om privatøkonomi
Det jobbast med budsjett